Курто Дудуш, градоначалникот на скопската општина Шуто Оризари, информираше дека фирмата која ја поседува депонијата која што гореше денеска во скопско Визбегово немала валидна дозвола.

-Знаеме дека Министерството за животна средина му има издадено дозвола за работа во 2019 година и 2020 година и дозволата важела до февруари 2025 година. Во ноември 2024 година, колку што знаеме во општината, имаат поднесено ново барање, но не знаеме до каде е. Кај нас само се бара мислење за продолжување на нивната дозвола. Тогаш дадовме позитивно мислење, кажа Дудуш.

Полицијата денеска го приведе сопственикот на депонијата, а според објавите на дел од медиумите, избила жестока тепачка избила при приведувањето.

-Поради непочитување наредба од службено лице, приведен е А.Н., сопственик на правното лице што управува со отпадот, информираа од МВР.