Во Струга на улицата „Партизанска“ две 16-годишни деца во средата започнале меѓусебна расправија и тепачка, а потоа се вклучиле родителите и други роднини од двете страни.

– Физичката пресмета кулминирала така што едно од децата се здобило и со тешки телесни повреди од удари со тупаници – скршеници на вилица, контузии на главата и телото, подливи и посекотини – соопштија од Основното јавно обвинителство – Струга.

Од Основното јавно обвинителство Струга информираат дека е поднесен Обвинителен предлог против пет лица за учество во тепачката.

Еден од обвинетите во моментов извршува функција државен правобранител за подрачјето на Струга.