Неидентификувано беспилотно летало прелетало над руската амбасада во Стокхолм, фрлајќи боја во дворот на дипломатскиот комплекс, изјави шведската полиција.

Како што пишува Ројтерс досега не се извршени апсења.

“Ние инсистираме сите инциденти против руската амбасада да бидат темелно и непристрасно испитани, а сторителите да бидат пронајдени и донесени пред правдата”, се вели во соопштението на руската амбасада во Шведска.

Шведските власти се одговорни за безбедноста на амбасадата и полицијата започна прелиминарна истрага, изјави шведската министерка за надворешни работи Марија Малмер Стенергард, додавајќи дека тоа е сериозно прашање кога амбасада во земјата е подложена на вандализам.

Истражувачите ќе испитаат дали инцидентот е на некој начин поврзан со вчерашниот инцидент во шведската амбасада во Москва, чија стражарска кабина била испрскана со боја. Полицијата веднаш ги фатила демонстрантите, според белорускиот медиум Nexta.