Британски дресер на кучиња на својот тикток-профил откри кој е најлошиот трик кој може да го научи вашето шепасто другарче.

Имено, дресерот вели дека постојат многу забавни трикови за кучиња, но дека не го препорачува трикот „дај ми шепа“, кој може да направи повеќе штета отколку корист.

„Постои еден трик на кој никогаш не би го научил моето куче, особно не големо куче како што е моето (златен ретривер). Тоа е трикот со шепите.

Да, можеби изгледа како забавен трик, но ако го наградите кучето – тоа секогаш ќе ви ја подава шепата. На тој начин ќе го научите кучето дека со тоа однесување ќе добие сè што ќе посака. Проблемот е што тоа потоа ќе почне да го покажува тоа однесување кога ќе сака нешто.

Затоа не се чудете ако кучето ви се приближи и ви понуди шепа додека се одморате и читате книга“, објаснува дресерот.

Тој потенцира дека ова е уште попроблематично кога кучето му припаѓа на некоја поголема раса и постои можност да се изгреба и повреди со шепата. Се разбира, ненамерно.

@buddysmartz Do you agree with this? #fyp #dogtraining #goviral #goldenretriever #paw #didyouknow #dogtips #dogadvice #dogfacts #dog ♬ original sound – Will Atherton