Драматично спасување на овчар на планината Биоково во Хрватска се случувало утрово, откако спасувачите добиле пријава од жена дека нејзиниот сопруг е на планината долго време и дека не се јавува на мобилниот телефон.

На локацијата што ја навела жената, овчарот имал свое бачило и често отсуствувал по неколку дена. Но, она што ја загрижувало неговата сопруга е фактот што тој не одговарал на нејзините повици.

По дојавата, спасувачите од Горската спасителна служба се упатиле кон планината, каде што го нашле овчарот со тешка повреда на ногата. Тој лежел неподвижен додека неговите две кучиња биле покрај него. Тоа била сцена која спасувачите долго ќе ја паметат.

Овчарот и неговите верни кучиња, неговите единствени пријатели во суровите планински услови, по којзнае кој пат покажале дека се најдобри пријатели на човекот. Овчарот им рекол на членовите на ХГСС дека мобилниот му се истрошила батеријата на телефонот и дека не можел да одговори на повиците на сопругата. Спасувачите му ја санирале повредата на ногата на овчарот.

Проценувајќи дека е невозможно да се приземји без помош од воздух, повикале хеликоптер кој го превезол овчарот во болница. Дури и кога овчарот го легнале на носилката, кучињата не сакале да се одвојат од својот сопственик и се обиделе да легнат врз носилката.

Дел од спасувачите останале на планината со кучињата за да ги нахранат и згрижат. До закрепнувањето на овчарот, тие ќе бидат безбедни чекајќи го нивниот сопственик да се врати, пренесува „24 сата“.