Насилник од Росоман вчераутро предизвикал вистинска драма на патот Битола-Ресен, кога удрил двајца полицајци кои се обиделе да го запрат неговиот автомобил, а потоа и со нож избодел еден од полицајците, соопшти МВР.

„На 21.02.2022 во 11.20 часот во с.Доленци, демирхисарско, полициски службеници од Полициската станица Ресен го лишиле од слобода И.Ѓ.(41) од Росоман. Околу 08.00 часот на патот Битола-Ресен, со возилото „пежо”, кое го управувал, не застанал на знак за запирање од полициски службеници и притоа со возилото удрил двајца од нив. Набргу откога бил запрен, со остар предмет повредил полициски службеник кој извршувал службени дејствија“, се вели во соопштението.

Тој бил приведен во полициска станица и по целосно документирање на случајот, против него ќе биде поднесена соодветна пријава.