Српскиот актер Драган Бјелогрлиќ бил приведен под сомнение дека утрово околу 4 часот наутро во хотелот „Амбасадор“ во Ниш го нападнал режисерот Предраг Гага Антонијевиќ, пренесува српски „Блиц“.

„Бјелогрлиќ налета и го удри Антонијевиќ во главата“, рекол извор, тврдејќи дека Антонијевиќ имал видливи повреди на лицето.

57-годишниот Бјелогрлиќ во моментов е на распит во полиција, пишуваат српските медиуми.

Инаку, Антонијевиќ е автор на филмот „Дара од Јасеновац“, а претходно го обвини Бјелогрлиќ дека му понудил поткуп на почетокот на 2016 година за да го поддржи филмот „Есен на самураите“.

62-годишниот Антонијевиќ објави наводна преписка со Бјелогрлиќ од 2016 година, во која зборуваат за поткуп. Наводниот мејл, исто така, покажа дека Антонијевиќ категорично ја одбива понудата. Бјелогрлиќ тогаш го негираше ова и тврдеше дека преписката е фалсификувана.

ВИДЕО: Актерот Драган Бјелогрлиќ физички го нападна неговиот колега режисер Предраг Гага Антонијевиќ