Рускиот дисидент Алексеј Навални, Светската здравствена организација и младата активистка која се бори против климатските промени, Грета Тунберг му се придружија на Доналд Трамп меѓу списокот на очекувани номинации за Нобеловата награда за мир, покажа истражувањето спроведено на норвешките пратеници кои имаат право да предлагаат кандидати и кои имаат успешно погодување на победникот, објави британски Индепендент.

На списокот е и Џаред Кушнер, зетот на Трамп кој беше и неговиот висок советник за неговата улога во преговорите за четири договори за нормализација меѓу Израел и Арапските Емирати.

Активистката Тунберг, Навални и СЗО – за својата програма КОВАКС за обезбедување фер пристап до вакцините против ковид-19 за сиромашните земји најверојатно се фаворити, покажа истражувањето спроведено од Ројтерс. Номинациите за престижната награда се затвораат во недела.

Доналд Трамп го номинирашееЕстонскиот европратеник Јак Медисон.

– Поради фактот што пратениците, исто така, можат да номинираат кандидати за Нобелова награда за мир, ја искористив таа можност. Доналд Трамп стана првиот претседател на САД во последните 30 години, во кои земјата која ја предводеше не започна ниту една војна. Покрај тоа, под негово раководство беа склучени неколку мировни договори на Блискиот исток, кои помогнаа да се постигне стабилност и мир во регионот, напиша Медисон на својот фејсбук-профил.

Трамп и претходно беше номиниран за оваа награда. Во септември 2020 година таква иницијатива презеде норвешкиот пратеник, член на Напредната партија, Кристијан Тибринг-Гједе, кој на тој начин ја обележа неговата улога во договорот за нормализирање на односите меѓу Израел и ОАЕ. Во ноември, претставници на шведските демократи ја поддржаа номинацијата на американскиот претседател. Потоа, поранешниот лидер на оваа фракција во шведскиот Парламент, Матијас Карлсон, го обележа неговото учество во решавањето на проблемите на Корејскиот Полуостров, на Балканот, како и меѓу Израел и неговите соседи.