Бракот на американскиот претседател Доналд Трамп и Меланија Трамп е секогаш во центарот на вниманието, а деталите за нивната врска ги полнат насловните страници на сите медиуми.

Биографот Мајк Волф уште во мај тврдеше дека двојката е „разделена“.

– Тие очигледно не живеат во брак на никаков начин како што го дефинираме ние. И мислам дека можеби попрецизно можеме да кажеме дека живеат одвоени животи – истакна своевремено Волф.

Сепак, иако нивната брачна среќа често е доведена во прашање, навидум сè е совршено, а американскиот претседател, како и скоро секој маж, има прекар за својата сопруга.

Иако во случајот на Доналд Трамп, тоа не е сладок прекар.

Имено, неодамна додека зборуваше на настанот „Поздрав до Америка“ во Ајова, Трамп неочекувано отстапи од темата и почна да зборува за разговорите меѓу него и неговата сопруга.

– Пред една година, се сеќавам дека ѝ реков на нашата голема прва дама: Знаете, првата дамо … Ја викам прва дама затоа што ме прави да се чувствувам добро. Прва дама. Не е ли тоа одлично? Велејќи ѝ добра ноќ, моја драга прва дамо – изјави Доналд Трамп, кој откри дека не користи романтичен прекар за својата сопруга, туку титула што е поврзана со чувство на моќ, пренесува „Индпендент“.

Покрај тоа што на овој начин ѝ дава важност на својата сопруга, Доналд призна дека го прави тоа за себе, затоа што го потсетува дека се однесува како претседател.