Возачот на „Ред Бул“, Макс Верстапен победи на денешната Формула 1 трка за Големата награда на Јапонија.

Трикратниот последователен светски шампион во Сузука ја постигна 57 победа во кариерата. Холанѓанецот освои и дополнителен поен за најбрз круг на трката.

Второто место го освои неговиот тимски колега Серхио Перес, а трет Карлос Саинц од „Ферари“.

Вториот возач на „Ферари“, Шарл Леклер заврши на четвртото место, петти Ландо Норис од „Мекларен“, а шести Фернандо Алонсо од „Астон Мартин“.

Возачот на „Мерцедес“ Џорџ Расел се најде на седмата позиција, осми беше Оскар Пјастри од „Мекларен“, деветти Луис Хамилтон од „Мерцедес“, а на 10 место беше домашниот возач Јуки Цунода од тимот „РБ“.

Следната трка во Ф1 шампионатот ќе се вози на 21 април за Големата награда на Кина.