Почна пролетта, а со неа и алергиите – поленот е во воздухот, а кивањето, солзените очи и осипот стануваат секојдневие за многумина. Додека некои ќе посегнат по апче, други ќе ги смируваат симптомите и со природни решенија, пишува „Живим“.

Во продолжение, прочитајте седум ефикасни решенија:

Чај од коприва

Една полна лажичка лист од коприва прелијте ја со шолја врела вода, оставете да отстои половина минута, процедете. Пијте до четири шолји дневно.

Ајдучка трева

Една лажичка ајдучка трева прелијте ја со врела вода. Нека отстои околу три минути. Се пијат две шолји дневно. Го спречува солзењето и болката во очите.

Бања со камилица

За да го зајакнете исцрпениот организам, помага бања со камилица. Четири полни раце цветови од камилица прелијте ги со врела вода и оставете ги десетина минути. Процедете и додајте ги во водата за капење. Треба да се потопите во вода така што срцето да е над нивото на водата, а капењето да трае 20 минути. По капењето не треба да се бришете, туку да се завиткате во бањалук и еден час да се потите во кревет.

Слез

Кожните алергии може да се ублажат со чај од слез: две полни лажички слез се ставаат да омекнат 12 часа во половина литар ладна вода. Потоа растворот се загрева и се процедува. Засегнатиот дел од кожата се мие повеќе пати во текот на денот.

Чуваркуќа

Кожниот осип може да се ублажи со сок од чуваркуќа или невен: листовите од чуваркуќа се сечат по должина, а стебленцата од невен се цедат во соковник, па сокот се втрлува во кожата.

Инхалација

Инхалирање со етерични масла од рузмарин и нане ќе ја олесни проодноста на горните дишни патишта.

Медитација против стрес

Стресот е важен фактор за појава или влошување на алергиите. Затоа медитацијата, автоген тренинг и други облици на релаксација ги намалуваат реакциите на стрес и позитивно влијаат врз автономниот нервен систем.