Електроекспертите предупредуваат дека секојдневните домашни апарати што користат многу електрична енергија можат да предизвикаат пожари поради преоптоварување. Електричарот и експерт за одржлива енергија Гордон Волис истакнува дека одредени апарати никогаш не треба да се вклучуваат во продолжен кабел.

– Продолжните кабли имаат своја намена во домот, но важно е да се разберат нивните ограничувања. Тие се дизајнирани за привремена употреба на уреди со мала потрошувачка на енергија, а не како трајно решение за напојување на моќни домашни апарати. Неправилната употреба не само што може да доведе до неефикасно користење на енергијата, туку претставува и сериозен ризик од пожар – рече Волис.

Меѓу најпроблематичните се помалите кујнски апарати како што се фритезите и микробрановите печки, како и поголемите бели апарати како што се машините за перење и фрижидерите.

– Апаратите како што се фритезите, микробрановите печки и машините за миење садови користат значителни количини електрична енергија. Приклучувањето во продолжен кабел може да го преоптовари струјното коло, предизвикувајќи прегревање, а во некои случаи и искри и пожар. Од гледна точка на одржливост, постои и загуба на енергија поради неефикасно снабдување со електрична енергија – предупредува Валис- објави Каматица.

Уште поопасна практика е поврзувањето на повеќе продолжени кабли во „синџир“, што го множи ризикот од преоптоварување.

– Можеби изгледа безопасно да се приклучи еден продолжен кабел во друг или да се напојува фрижидерот преку продолжен кабел, но тоа е една од најопасните навики во домаќинствата. Овие уреди се вклучуваат и исклучуваат во текот на денот, создавајќи ненадејни скокови на напонот што многу продолжени кабли едноставно не можат да ги поднесат, рече тој.

Валис издвои пет кујнски апарати што никогаш не треба да се вклучуваат во продолжен кабел. Фритза на топол воздух е прва. Големите модели можат да користат до 2.000 вати. Доколку немате постојано место за него, користете го само кога ви е потребно и секогаш вклучувајте го директно во штекер. Микробранова печка- уредот е со голема моќност, мора да има свое струјно коло. Електрични рерни и шпорети- тие мора да имаат посебно струјно коло. Џејмс Елстон од компанијата „Easy Boilers“ истакнува дека поврзувањето на електрична рерна со продолжен кабел претставува ризик од пожар и електричен удар, доколку штекерот не е дизајниран за таа количина на струја. Тостери и тостер-рерни- иако се помали, тие користат многу енергија. Тостер-рерните користат помеѓу 1.200 и 1.400 вати и не се погодни за продолжни кабли.

Фрижидери треба да користат 300-800 вати, но работат континуирано. Продолжниот кабел може да не предизвика веднаш пожар, но може да предизвика дефект на апаратот. Затоа, се препорачува секогаш да ги вклучувате директно во штекерот.