Домашната сезона во Украина започнува во август и покрај војната
Фудбалските првенства во таа земја планирано е да започнат во сите конкуренции, за да се крене моралот на Украинците. Претседателот Зеленски се согласил
Домашната фудбалска сезона во Украина треба да започне во август и покрај војната. Претседателот на Украина Володимир Зеленски дал дозвола за тоа.
Препорачано
Сезоната во украинската Премиер лига не можеше да продолжи во април поради неможност да се игра, откако Русија ја нападна оваа земја во февруари.
Андриј Павелко, претседателот на Украинската фудбалска асоцијација (УАФ) објави дека разговарал со Зеленски, а лидерот на земјата се согласил дека фудбалот може да игра важна улога во засилување на моралот во воено време.
– Зборував со претседателот Зеленски околку важноста на фудбалот да олеснува. Од децата до старите, сите се фокусирани на војната… Зборувавме дека фудбалот има многу голема моќ да им помогне на луѓето да размислуваат за иднината, затоа што сега не се во добро расположение – изјави Павелко.
Претседателот на УАФ изрази надеж дека машкиот и женскиот фудбал на сите нивоа ќе може да започне во август.
– Ќе играме на сите нивоа во Украина. Премиер лигата, првата и втората дивизија и женскиот шампионат. Сите нивоа ќе започнат во август – изјави Павелко.
Шајтјор Донецк беше водечки во Премиер лигата во моментот кога првенството беше прекинато. Заедно со Динамо Киев, тој е еден од водечките клубови во земјата.
