За Домагој Дувњак финалето на Светското ракометно првенство имаше специфична важност.

Ова беше последен меч во дресот на хрватската репрезентација за Дувњак, кој успеа на крајот да освои медал.

Во финалето на Светското првенство Хрватска беше поразена од Данска со 32:26.

– Ниту во моите најлуди соништа немаше да посакам ваков медал, особено кога знаеме што ми се случи во второто коло. Благодарам на играчите, тренерот, стручниот штаб. Прекрасно првенство, ќе остане во мојот ум до крајот на животот, благодарам на моето семејство, на родителите, моите соиграчи, генерацијата која ме научи да го носам овој преубав и тежок дрес.

Заминувам горд, заблагодарувајќи им се на луѓето кои ги дадоа своите животи за оваа земја. Да не беа тие, немаше да можам да ја претставувам мојата земја 20 години. Заминувам среќен, исполнет, а репрезентацијата е во добри раце – рече Дувњак по финалето во Осло.