Во договорот со Велика Британија, кој минатата недела во Лондон го потпиша вицепремиерот Александар Николоски, пишува дека е потпишан од „заменик-претседателот на Република Северна Македонија, во име на Владата на Република Северна Македонија“ – пратеничката на Левица Јована Мојсоска објави фотографија од погрешниот опис на функцијата на потписникот на договорот меѓу владите на Македонија и Обединетото Кралство.

Мојсоска вели дека власта планира ова да го коригира со фуснота.

„Во брзање да го шверцуваат британскиот кредит, власта го згрешила преводот и ставиле ЗАМЕНИК-ПРЕТСЕДАТЕЛ на Републиката (наместо заменик-Претседател на влада). „Историскиот“ договор во меѓународниот правен поредок е потпишан со титула која не постои во нашиот правен поредок, па сега власта ќе го корегира со фуснота“, пишува пратеничката во објава на социјалните мрежи.