„Воините“ го почестија Дрејмонд Грин со нов договор кој го прави како еден од најплатените играчи во НБА лигата.

Грин со Голден стејт договори нова четиригодишна соработка и ќе инкасира фантастични 100 милиони долари.

Крилниот центар во наредните четири години ќе заработува по сезона, 22,2 милиони, 24 милиони, 25,8 милиони и 27,6 милиони долари.

Можно е и да ја заврши својата кариера токму во овој клуб, да потсетиме ова лето си замина Кевинд Дурент кој потпиша за Бруклин, а пристигне Дианџело Расел токму од Нетси.

Да додадеме уште дека екипата на Стив Кер ќе ја започне сезоната без Клеј Томпсон кого го чека долга пауза поради повреда на предните вкрстени лигаменти во финалната плејоф дуел против Торонто.