Лидерот на босанските Срби Милорад Додик се огласи на социјалните мрежи два дена откако последен пат беше виден како го напушта Израел со авион.

Според достапните информации, авионот потоа слетал во Белград, но потоа немало информации за неговата локација.

Не се знае дали се вратил во Бања Лука.

Во кратката објава Додик напиша: „Стигнав“, не откривајќи каде се наоѓа сега. Не се знае дали се вратил во Бања Лука и по кој пат го направил тоа.

За време на престојот во Израел, тој најави дека „идната недела“ ќе се врати во Босна и Херцеговина. Тој пред неколку дена во Белград пристигнал или со хеликоптер или со колона возила кои, според локалните медиуми, не биле проверувани на граничните премини.

Да потсетиме, по Додик е распишана потерница во рамките на БиХ, а се уште се чека одлуката на Интерпол за евентуално распишување меѓународна потерница.