Претседателот на Република Српска, Милорад Додик, изјави дека ќе побара од рускиот претседател Владимир Путин поддршка за референдум за независност на РС.

„Путин досега секогаш стоеше зад Дејтонскиот договор и интегритетот на БиХ. Но, многу работи се променија и ќе се обидам да го убедам да ја поддржи нашата позиција. Не знам дали ќе успеам, но сигурно ќе разговарам за тоа,“ рече Додик.

Во интервју за руската служба на Би-Би-Си, тој додаде дека референдумот е легитимно право на народот да се изјасни за клучни прашања, нарекувајќи го „цивилизациско достигнување што му припаѓа и на српскиот народ“.