Добри вести од Премиер лигата, екипите од утре започнуваат со тренинзи
На денешниот состанок на премиерлигашите е договорено од утре екипте да започнат со групни тренинзи.
На состанокот едногласно е усвоена одлука од утре екипите да се вратат на тренинзите во мали групи. Како што се наведува во соопштението, ова е првиот чекор кон враќањето на Премиер лигата која веќе два месеци е прекината поради пандемијата на коронавирусот.
Препорачано
Исто така во соопштението се наведува дека мора да се држи одредено растојание и дека контактите на тренинзите се уште не се дозволени.
„Оваа одлука е донесена по консултација со фудбалерите, тренерите, тимските доктори, независни експерти и Владата. Строгите медицински протокол ќе обезбедат сите да се вратат на тренинзите и тоа на најбезбеден можен начин. Здравјето на сите учесници е приоритет на Премиер лигата. Ќе продолжиме со консултациите со играчите, тренерите и екипите за да донесеме протокол за тренинзи на кои ќе има и контакти“, стои во соопштението на Премиер лигата.
Premier League Shareholders today voted unanimously to return to small group training from Tuesday afternoon – the first step towards restarting the Premier League, when safe to do so
Full statement: https://t.co/8F3qJxZssV pic.twitter.com/nEdWoQ8EGI
— Premier League (@premierleague) May 18, 2020
Од Премиер лигата не најавија кога ќе биде официјалното враќање на натпреварите, туку објавија дека тоа ќе се случи кога ќе биде безбедно за сите.
До крајот на Премиер лигата останаа да се доиграат уште девет кола, а лидер на табелата е Ливерпул со дури 25 бода повеќе од второпласираниот Манчестер сити.
