На 9 јуни (понеделник) започнува престижниот и досега најголем пинг понг настан во Македонија – World Table Tennis Contender Skopje 2024.

Пријавите доаѓаат од доминантната Кина, потоа Германија, Франција и други европски земји, и секако од Балканот, односно Словенија и Дарко Јоргиќ кој од оваа недела е меѓу првите 10 најдобри во Светот.

Повеќе од 100 пинг понгари во понеделник, на 9 јуни, ќе го донесат светскиот пинг понг во салата „Јане Сандански“ во Скопје, а скопјани и цела држава ќе може бесплатно да ги следат натпреварите.

Натпреварите започнуваат во 10.00 часот, секој ден од 9 до 15 јуни и во текот на целиот ден до 18.00 часот ќе се одвиваат возбудливи дуели.

Организацијата на ваков престижен и од светски карактер натпревар е признание за македонската пинг понгарска федерација и за државата затоа што истиот се вбројува во само неколку од овој ранг кои во 2025 година се одржуваат ширум светот.