До крајот на месецов, поточно до 31 јули, граѓаните и фирмите кои имаат неплатени сметки за вода можат да склучат договори со ЈП „Водовод и канализација“ и долгот да си го исплатат на рати и без камата за задоцнето плаќање.

Ги повикуваме сите корисници кои имаат заостанат долг во овој период да аплицираат за склучување на договори за отплата на долговите на најмногу 48 рати за физички лица и 24 рати за правни лица, во зависност од висината на долгот, без пресметка на камата за задоцнето плаќање – велат од јавното претпријатие.

Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес.

По истекот на овој период одлуката престанува да важи.