Диви изнајмувачи, непријавени работници… Туристичките инспектори констатирале голем број неправилности во Хрватска
Во периодот од 3 јуни до 4 август, во координираните контроли на туристичката сезона извршени се вкупно 2.239 контроли во кои се констатирани 62,6 отсто прекршоци на прописи, додека во 37,4 отсто од инспекциските контроли не се утврдени прописи, соопшти хрватскиот Државен инспекторат (ДИРХ).
Препорачано
Од вкупниот број извршени инспекциски надзори (2.239), во 838 инспекциски контроли не се констатирани прекршоци на прописи, односно во 37,4 отсто од инспекциските контроли е утврдено дека работењето е согласно прописите. Во 1.401 (62,6 отсто) инспекциски надзор констатирани се вкупно 2.572 прекршувања на различни прописи, се вели во соопштението што го објави Инспекторатот на својата веб-страница, објави Хина.
Туристички, санитарни, пазарни, земјоделски, ветеринарни, градежни, трудови инспектори (од областа на работните односи и безбедноста при работа), инспектори за води и заштитни инспектори учествуваа во координираните инспекции на туристичката претсезона и сезона во периодот од 3 јуни до 4 август. Како што се наведува во соопштението, согласно овластувањата од (член 73) од Законот за Државниот инспекторат, за 572 случаи (22,3 отсто) кај кои е констатирана повреда на прописите, инспекторите го примениле начелото на можност, односно дека овозможиле во дадениот рок да се исправи констатираната неправилност без поведување прекршочна постапка.
Според податоците на Инспекторатот, за останатиот дел од констатираните неправилности, инспекторите до надлежните судови поднеле 76 обвинителни акти за поведување прекршочна постапка, изречени се 191 прекршочни наредби, со тоа што во 13 случаи, по прекршочна наредба одземале незаконски стекната имотна корист и наплатиле 801 глоба на местото каде што е сторен прекршокот.
Како најчести прекршувања на прописите констатирани од страна на туристичките инспектори, тие ги наведуваат недостатоците во исполнувањето на пропишаните минимални услови во однос на уредувањето и опременоста на објектите. Донесени се решенија за 90 работници (претежно државјани на Македонија, Босна и Херцеговина, Србија, Непал), откриваат податоците на Инспекторатот.
