Луксузниот моден бренд, кој е во сопственост на ЛВМХ, плаќа изненадувачки ниска цена за производство на чанти, кои подоцна ги продава за 2.780 долари, откри неодамнешната истрага на добавувачите на Диор, објави Политика.

Покрај чантите, модниот бренд е познат и по други производи како накит и облека, кои често доаѓаат со високи цени. Покрената е истрага, а мета на инспекторот била фабриката која произведува чанти „Диор“.

Според документите објавени од властите, луксузниот моден бренд му плаќа на добавувачот само 57 долари за да ги направи чантите. Подоцна им ги продаваат на клиентите по цена од речиси три илјади долари.

Во фабриките на брендот „Џорџо Армани“ имало слична ситуација, бидејќи компанијата платила 99 долари за производство на чанти, кои подоцна во нивните продавници чинеле 1.900 долари. Според извештајот на „Вол Стрит журнал“, производните цени не ги вклучуваат материјалните трошоци, додека компаниите „конкретно ги покриваат трошоците за дизајн, дистрибуција и маркетинг на производите“.

Властите покренаа истрага по наводите дека двете компании експлоатирале странски работници за да произведуваат луксузни стоки по ниски цени. ЛВХМ, исто така, заврши на суд минатиот месец, објави Ројтерс, за нејзините зделки со компании во кинеска сопственост, чии работници спиеле во фабрики за да можат да имаат „работна сила достапна 24 часа на ден“.