Според информации на „Buzz Sport“, македонскиот репрезентативец Ненад Димитријевиќ е многу блиску до договор со Партизан Белград. Плејмејкерот е пред потпишување двегодишен договор кој би започнал од сезоната 2025/26, со што ќе се стави крај на неговата соработка со италијанскиот гигант Олимпија Милано.

Иако има важечки договор со Милано до 2026 година, 27-годишниот кошаркар е подготвен за нов чекор во кариерата, токму во клубот кој отсекогаш му бил најблиску до срцето.

Димитријевиќ не крие дека е долгогодишен навивач на Партизан, уште од историското учество на белградскиот клуб на „Фајналфорот“ во Евролигата во 2010 година.