Македонскиот репрезентативец Ненад Димитријевиќ уште еднаш ја потврди одличната форма во која се наоѓа и го предводеше својот Хувентуд до триумф во „Ендеса“ лигата. Хувентус славеше со 90:85 над Тенерифе, а Димитријевиќ постигна 23 поени, од кои десет даде во последната четвртина.

Македонскиот репрезентативец постигна три тројки од пет обиди, за два поени шутираше 7/8, а имаше и четири скока и две асистенции за 19 минути поминати на теренот.
Уште еден македонски репрезентативец, Џејкоб Вајли имаше одличен настап. Вајли во победата на неговата Сарагоса од 101:78 над Уникаха Малага постигна 24 поени.