Екипата на Барселона со 94:73 го совлада Хувентуд во мајсторката од четвртфиналето во шпанскиот шампионат и си обезбеди полуфинална пресметка со Тенерифе.
Ова воедно значеше и крај на сезоната за македонскиот репрезентативец Ненад Димитријевиќ кој со успех го носи дресот на Хувентуд.
Одлучувачки момент за триумфот на Барселона беше третата четвртина која ја доби со убедливи 37:14 по што на стартот од последната четвртина предноста изнесуваше 30 поени (82:52). Во последниот период Хувентуд успеа само да го ублажи поразот.
Димитријевиќ натпреварот го заврши со 10 постигнати поени, а имаше и шест асистенции.