Димитриевски во една категорија и натаму најдобар на Европското првенство
Македонскиот репрезентативен голман вкупно деветпати ја боксувал топката од шеснаесетникот, трипати повеќе од Англичанецот Пикфорд.
Препорачано
В недела со финалето помеѓу Италија и Англија на „Вембли“ стадионот во Лондон (21.00 часот) ќе заврши континенталниот собир.
Нашата најдобра селекција го заврши дебитантскиот настап уште во групната фаза, но вреди да се погледне статистиката која ја објавува УЕФА во секоја категорија.
Во една категорија нашиот чувар на мрежата Столе Димитриевски се наоѓа моментно на врвот со најмногу расчистувања пред својот гол, односно најмногу ја „боксувал“ топката од шеснаесетникот.
Тоа го направил вкупно деветпати, трипати повеќе од Џордан Пикфорд (Англија), а четирипати повеќе од Џанлуиџи Донарума (Италија) и Јан Зомер (Швајцарија).
Токму Пикфорд и Донарума кои ќе се сретнат во финалето на ЕП се најголема закана за Димитриевски за првото место во оваа категорија.
Во останатите статистички категории, Димитриевски со Бушчан (Украина), Дубравка (Словачка), Храдецки (Финска), Уго Љорис (Франција) и Каспер Шмајхел се единствените одбраниле пенал на Европското првенство во регуларниот дел од натпреварите.
Најмалку примени голови има Пикфорд, само еден, а по три Донарума, Куртоа, Храдецки и Шунин.
Најмногу одбрани има Зомер, вкупно 21, по 18 имаат Чакир, Шмајхел и Вард, Бушчан 15, а на делба на четвртото место со по 14 одбрани се Димитриевски, Вацлик, Храдецски и Куртоа. Пикфорд има 11, а Донарума девет.
