Барселона во недела попладне ќе го пречека големиот ривал Реал Мадрид во натпревар кој би можел да биде одлучувачки во трката за титулата во Ла Лига, а пред напреварот тренерот на каталонскиот гигант, Ханси Флик се соочува о одредени проблеми.

Најголемото прашање е кого Флик ќе постави во одбраната во отсуство на Жил Кунде. Дали повторно ќе му даде доверба на побавниот Ерик Гарсија или ќе се одлучи за Роналд Араухо, фудбалер кој под водство на Чави редовно беше задолжен за Бразилецот.

На другата страна од одбраната се очекува натпреварот да го почне Жерар Мартин, но добри вести за Барса се и враќањето на Балде, кој е целосно опоравен и веројатно ќе добие минути во текот на натпреварот.

Во средниот ред, се очекува да стартуваат Педри, Де Јонг и Дани Олмо, додека по страните ќе напаѓаат Јамал и Рафиња. Најголема дилема останува во нападот – дали да стартува Феран Торес или Роберт Левандовски, кој штотуку се врати од повреда.  Полјакот му порачал на Флик дека е подготвен да почне, но германскиот веројатно предност ќе му даде на Торес.

Во однос на последниот дуел со Интер, најважна новост е враќањето на Балде и фактот дека Левандовски повторно е во комбинација. Сепак, главната тактичка дилема останува, кого да му додели задачата да го неутрализира Винисиус?

Да потсетиме, Барселона ги доби сите три „Ел Класика“ оваа сезона и тоа со 0-4 во Мадрид во првенството, 5-2 во шпанскиот Суперкуп и 3-2 во финалето на Купот на Шпанија по продолженија.

Натпреварот Барселона – Реал Мадрид се игра в недела од 16:15 часот.