Диета против мозолчиња и акни: Ако се придржувате до неа, за еден месец ќе имате чиста кожа
Акните и мозолчињата денес се можеби најчестиот здравствен и естетски проблем на кожата за тинејџерите, иако не се поштедени ниту постарите генерации. Поради овој проблем, тие честопати се обраќаат кај козметичар и дерматолог, а првото прашање што тие го поставуваат е за исхраната.
Препорачано
Исхраната многу влијае на вашата кожа, а ако имате проблеми со кожата, треба да обрнете внимание на овие намирници.
Од исхраната треба да се исклучи зачинетата и мрсната храна:
Зачини, растително масло, сосови, кечап, мајонез, чипс, мрсно месо, колбаси, силни сирења, како и брза храна (особено хамбургери и пржени компири). Заедно со ова, неопходно е да се ограничи и внесот на слатки: колачи, чоколади, сладолед, карамела, како и на млеко, кафе и газирани пијалаци.
Храна што се препорачува
Овошје и зеленчук – тоа се намирници кои содржат голема количина диетални влакна.
Леб – пожелно е да се јаде ‘ржан леб.
Житарици – зрна од јачмен, ориз, хељда и овесна каша.
Месо – не заборавајте на месото, треба да биде што е помалку мрсно, на пример, пилешко, мисирка.
Млечни производи – млечните производи треба да бидат застапени во исхраната, бидејќи тие се многу корисни. Но, притоа консумирајте јогурт, кефир и сирења со мал процент на масленост.
Пијалаци – зелен чај, минерална вода и природни свежо цедени овошни сокови.
Мени за диетата против мозолчиња и акни
Појадок: Салата од краставици, целер и морков, зачинета со лажица сок од лимон, едно јаболко.
Ручек: Леќа (варена во вода без сол); салата од карфиол, тиквички и спанаќ. Неколку парчиња ананас/круша/диња (во зависност од сезоната).
Вечера: 100 грама немрсна риба приготвена на пареа; салата од зелен зеленчук и една лажица масло од сусам, еден грејпфрут.
Ужина пред спиење: Половина шолја капини или боровинки (исто така може и од замрзнувач – генерално, денес во продавниците има голем избор на брзо замрзнати бобинки кои треба само да се одмрзнат и хранливата и вкусна закуска е подготвена).
Ако се придржувате на исхраната против акни и мозолчиња најмалку еден месец, ќе постигнете значително намалување на осипите и ќе ја подобрите општата состојба на кожата.
