Бразилецот со шпански пасош денеска не се појави на тренингот на Атлетико Мадрид, а многу брзо потоа дојде потврда од самиот клуб дека ја прекинуваат соработката со напаѓачот.

Договорот е спогодбено раскинат и тоа на барање на Диего Коста кој сега е слободен во изборот на новиот клуб.
„Му се заблагодаруваме на посветеноста која ја покажуваше сите овие години и му посакуваме среќа во продолжение на неговата кариера“, објави Атлетико Мадрид, на официјалниот сајт.

Agreement with @diegocosta for the termination of his contract.
The club wishes the striker the best of luck in the next stage of his professional career.

— Atlético de Madrid (@atletienglish) December 29, 2020

Клубот појасни дека не сакаше да му стои на патот на фудбалерот кој со Атлетико Мадрид ја освои Ла Лига во 2014 година, кралскиот Куп во 2013 година и Лигата на Европа во 2018 година.

Како идна дестинација на Диего Коста се споменува Лондон и Арсенал кој е во потрага по искусен напаѓач, додека како негов наследник во Атлетико се споменува фудбалерот на Наполи, Аркадиуш Милик.