Аргентинскиот фудбалер Анхел Ди Марија (36) имал голема желба кариерата да ја заврши во својата татковина, но честите смртни закани му одговарале откако се вратил во својот матичен клуб – Росарио.

Како што пренесуваат медиумите, сестрата на фудбалерот примила пратка со морничава содржина на работа – кутија во која имало свинска глава со мерна лента во челото. За овој случај проговори и самиот Анхел Ди Марија, кој ја откри содржината на пораката која исто така била во пакетот.

– Во кутијата имаше и порака дека следната глава во ложата ќе биде онаа на мојата ќерка Пиа – изјави трофејниот репрезентативец на Аргентина.

Тоа беше само една во низата пораки со заканувачка содржина, а се започна уште во март кога родителите на фудбалерот добија писмо со порака:

– Кажете му на вашиот син Анхел да не помисли да се врати во Росарио, бидејќи некој од вашето семејство ќе го загуби животот. Ниту Пулјаро нема да те спаси.

Не долго потоа пристигна ново писмо во кое пишуваше: „Не оставаме пораки зад себе. Зад нас остануваат куршуми и трупови“.

Ди Марија играше за Росарио од 2005 до 2007 година, а потоа се пресели во Бенфика каде го привлече вниманието на Реал Мадрид. Врвот го доживеа во Реал, Манчестер јунајтед, ПСЖ и Јувентус, а оваа сезона се врати во Бенфика.

Ди Марија неодамна објави крај на репрезентативната кариера, откако со Аргентина го освои вториот трофеј на Копа Америка. Со „гаучосите“ го освои и Светското првенство во Катар.