Откако се појави веста дека Лионел Меси одбил профитабилна понуда од Саудиска Арабија и дека кариерата ќе ја продолжи во Интер Мајами, во САД би можел да дојде уште еден фантастичен Аргентинец.

Во прашање е Анхел Ди Марија кој изминатиот период потврди дека си заминува од Јувентус.

Сепак, за Ди Марија приоритет останува Европа, а како што се наведува, една од можните опции е лисабонска Бенфика. А исто така, според познатиот новинар Фабрицио Романо, Интер размислува да го ангажира светскиот шампион.

Доколку реши да се пресели во МЛС лигата, во Интер од Мајами ќе му се придружи еден од најдобрите светски фудбалери и неговиот сонародник Лионел Меси.

Inter Miami are considering a move for Ángel Di Maria as free agent, as called by @CLMerlo — understand they are informed on conditions of the deal. ???? #MLS

Europe remains the priority, Benfica are on it. Meanwhile, Inter Miami are still insisting to sign Sergio Busquets. pic.twitter.com/kSMnIzsZRp

— Fabrizio Romano (@FabrizioRomano) June 8, 2023

Тие двајца беа соиграчи во ПСЖ, а како соиграчи во репрезентацијата на Аргентина успеаја да го освојат Купот на Јужна Америка во 2021 година и Светското првенство во Катар една година подоцна.

Од Јувентус се пресели во редовите на францускиот шампион ПСЖ, а покрај споменатите клубови, играше и за Реал Мадрид, Бенфика и Манчестер јунајтед. Оваа сезона за клубот од Торино настапи на 40 мечеви во сите натпреварувања, постигнувајќи осум гола и седум асистенции.

Крај на сагата: Меси го потврди трансферот во Интер Мајами!