Дали некогаш сте слушнале за љубовното правило според кое мажите треба да изберат жена која има половина помалку години од нив и плус седум години? По тоа правило, ова би била совршена врска.

Ова правило во Америка се вика „Џентлменско правило“ и постои уште од далечната 1901 година.

Тогаш е издадена книгата на Макс О`Рел, „Нејзиното височество Жена“, во која се наведува оваа разлика во годините.

„Мажот треба да се ожени со жена која има половина помалку години од него плус седум години. Тоа можеш да го испробаш во секое доба и ќе видиш дека прекрасно функционира“, запишал О`Рел.

Се чини дека ова правило и денес се почитува меѓу некои славни парови – Џорџ и Амал Клуни, Доналд и Меланија Трамп, Мери-Кејт Олсен и Оливер Саркози – дамите се половина помлади, плус седум години.

Има и такви ѕвезди кои одат подалеку, па така Леонардо Дикаприо имаше девојка 20 години помлада од него, а се сеќаваме и на Хју Хјефнер, кој периодично го делеше својот дом и со над 100 девојки во неговата Плејбој вила (кои некогаш беа помлади од него и до 60 години).

Во следниот параграф од истата книга, авторот додал: „Никогаш немој да се жениш со жена која е повисока од тебе, побогата од тебе или постара од тебе!“.

Сепак, колку овие правила се адекватни и апликативни во денешно време? Да бидеме реални, не баш! Додека некои совети од минатото „го тестираат“ времето, совети како овој, не стареат добро, гледано и од машката, како и од женската перспектива во 21 век… Правилата се направени за да се прекршат, зарем не?