25-годишна девојка, која се движела по тротоар, попладнево е прегазена од возач на автомобил кој возел со голема брзина во скопската населба „Даме Груев“ (Геге), во општината Ѓорче Петров, објави „Инфомакс“.

Девојката е итно пренесена во болница со возило на Итната медицинска помош.

Од МВР ја потврдија несреќата.

„На 11.07.2025 во 18:12 часот во СВР Скопје е пријавено дека во населба Геге, скопско настанала сообракајна незгода помеѓу патничко возило со скопски регистарски ознаки управувано од З.А.(49) од Скопје и пешакот С.Ј.(25) која е префрлена во КЦ Мајка Тереза за укажување лекарска помош. По целосно документирање на случајот ќе биде поднесен соодветна пријава“, велат од МВР.