Седумгодишното девојче кое викендов почина во Клиничката болница во Тетово, претходно еден ден било третирано во приватна здравствена установа, откри вечерва министерот за здравство, Азиу Алиу.

– Ние баравме од Државниот санитарен инспекторат да оди таму, и веќе имаме резултати оттаму, наодот ни е доставен официјално. Утре ќе имаме наша експертска група што ќе ги види и од клиничка гледна точка ќе го анализира целиот процес – рече Алиу во вечерашната „Топ тема“ на телевизија „Телма“.

Алиу појасни дека според патоказот за лекување, девојчето се лекувало во рамките на прописите, но и дека сепак се потребни уште проверки.

– Според тоа што го читав, остава простор за понатамошно следење на процесот. Рано е да се излезе со детали за случајот без притоа клинички, со наша група на експерти, да се анализира уште еднаш – додаде Алиу.

Инспектори влегоа во тетовската болница, испитуваат како и зошто починало 7-годишното девојче