Седумгодишното девојче Амелија Анисович, кое го освои светот по видеото на Let It Go како пее во засолниште, сега е безбедно во Полска.

Малата украинка разговараше со репортер на Би-Би-Си. „Во прифатилиштето бев добро, таму имаше и други деца. Таму беше и мојот соученик Артиом“, изјавило веселото девојче за новинарите.

Ја прашал и што најмногу ѝ се допаѓа во цртаниот филм Frozen, чиј саундтрак го пеела во засолништето.

„Ми се допаѓаат Елса и Ана, и Кристоф и Свен… Тоа се другите ликови во цртаниот филм“, рече таа. „Свен е ирвас, а Кристоф е маж“, му објаснила на новинарот на Би-Би-Си, гледајќи во баба си.

„На крајот од вториот дел Кристоф се жени со Ана“, додаде таа.

„Посакувам да бидам со мама и тато во Киев“

Таа исто така откри дека би била многу среќна да биде со мама и тато во моментов. „Во Киев, се разбира“, додаде таа.

“Ви благодарам што ви се допадна моето пеење. Вежбам пеење секој ден, наутро, попладне и навечер. Вежбам, затоа и испадна толку добро”, заклучила таа. „Отсекогаш ми беше сон да пеам“, додаде таа.

Одговори и пејачката

Откако видеото на Амелија се прошири на социјалните мрежи, се појави и Идина Мензел која ја отпеа песната Let It Go. Пејачката која и го позајми гласот на Елси во цртан филм на Дизни на Твитер напиша како се чувствува откако слушнала како мало девојче пее.

„Те гледаме. Навистина те гледаме“, напиша таа покрај емотиконите со сини и жолти срца.

ВО ЖИВО | Конфликтот во Украина, вести од минута во минута: Зеленски бара повеќе помош од Европа