Ученикот од трето одделение од ОУ „Лазо Ангеловски“ во скопската населба „Ново Лисиче“ ќе биде префрлено на онлајн настава до крајот на првото полугодие, додека надлежните ќе вршат соодветна проценка за заштита на детето и останатите деца во одделението. Бојкотот на наставата во ОУ „Лазо Ангеловски“ е прекинат и децата од вторник се враќаат во училишните клупи, одлучи вечерва Советот на родители.

Учениците од ова основно училиште пред два дена почнаа со бојкотот откако проблематичниот ученик, по неуспехот да се префрли во ОУ „11 Октомври“, каде што исто така имаше бојкот и тој беше вратен во ОУ „Лазо Ангеловски“. Родителите на соучениците на детето уште лани бараа тоа да се префрли во друго училиште.

Денеска во училиштето бил присутен тим составен од Центарот за социјални работи за разрешување и следење на состојбата со актуелниот проблем со третоодделенецот којшто имал насилно поведение. Родителите бараа детето да не биде физички присутно во училиштето. Тие барања, со решението за онлајн настава, се прифатени.

Во основно училиште „11 Октомври“, директорката тврдеше дека дала согласност за упис на детето по редовна постапка, ама се пишманила, затоа што добила информации за историјата на детето кои не ѝ биле претходно познати.

ФОТО | „Малиот тука ќе учи!“: Осамна транспарент во училиштето „Лазо Ангеловски“, кое зјае празно