Декорациите во домот никогаш не се доволни, но ако сакаме да купиме убав, импресивен детаљ, обично треба да издвоиме малку повеќе пари.

Сепак, со малку креативност и само може да направите феноменални украси за вашиот дом кои изгледаат исклучително скапи и елегантно, а всушност не чинат скоро ништо – направете ги сами!

Овојпат предлагаме да направите нешто практично, но и декоративно, како на пример едно луксузно огледало.

За да направите луксузно огледало во форма на сонце, ќе ви се потребни: парче посилен картон, тркалезно огледало (можеби старо што испаднало од рамката), подолги стапчиња за раженчиња, лепак, спреј и имитација на бисерен ѓердан.

Постапка: Исечете го картонот во форма и големина на огледало, а потоа залепете ги стапчињата за ражени од едната страна. Исечете ги стапчињаната со различна големина како би наликувале на сончевите зраци.

Кога стапчињата убаво ќе се залепат на картонот, испрскајте ги со златен спреј и оставете ги да се исушат добро. Потоа залепете го огледалото на картонот и бисерниот ѓердан околу огледалото. Ако е предолг, скратете го и користете ги преостанатите бисери за уште еден ред околу огледалото.

Сега останува само да го закачите своето уникатно огледало на местото каде најубаво ќе прилега во домот и да уживате во комплиментите што сигурно ќе ги добиете од сите што ќе влезат во вашата куќа!

Погледнете ја деталната постапка во видеото, но и уште неколку предлози за едноставна, но убава декорација на домот: