-Вкупно 546 иницијативи пристигнаа до ФИТР во рамките на јавниот повик КРЕАТОН, наменет за креирање на дигитални алатки и решенија за справување со последиците од Ковид-19. Јавниот повик траеше 72 часа и ваквиот интерес е само показател за нивото на свест и желбата за придонес кај многу наши сограѓани, НВО и компании. Морам да напоменам дека и во вакви вонредни околности, очигледен е креативниот потенцијал и солидарноста кои се силно изразени во нашето општество, вели директорот на ФИТР, Јован Деспотовски во „Утрински брифинг“ на „Слободна ТВ“.

Тој кажа дека добро е што имаат искусни меѓународни партнери.

-Јавниот повик е заеднички потфат на ФИТР, Амбасадата на Швајцарија во Македонија, УСАИД, УНДП, УНИЦЕФ, МАСИТ и други партнери, експерти, што ќе ја реализираат и евалуацијата на пристигнатите иницијативи. Предлог решенијата треба да се имплементираат во кус рок, и да бидат применливи и во нормални услови, по прекинот на превентивните мерки поврзани со КОВИД – 19 вирусот, изјави Деспотовски.