Одржувањето на младешкиот изглед на кожата зависи од колагенот и еластичноста, клучни компоненти за цврстина и мазна кожа. Сепак, одредени високо преработени намирници можат да го забрзаат стареењето на кожата со намалување на нивото на колаген и еластичноста на кожата.

Оваа храна често содржи високо ниво на шеќер, рафинирани јаглехидрати и штетни адитиви кои предизвикуваат воспаление и оксидативен стрес, што доведува до брчки и опуштена кожа.

Бидејќи Новата година е време за промени, сега е совршена можност да ги идентификуваме и елиминираме овие намирници од нашата исхрана за да ја поддржиме здравата, сјајна кожа и да го спречиме предвременото стареење. Експертите за здравје на кожата издвоија две намирници кои особено негативно влијаат на колагенот и еластичноста на кожата.

Путер и маргарин

Иако путерот и млечните производи содржат корисни хранливи материи како витамин Д и калциум, прекумерното консумирање може да влијае на кожата.

„Млечните производи, како путерот, го зголемуваат ИГФ-1, што предизвикува помрсна кожа“, објаснува дерматологот д-р Елејн Ф. Кунг за „Ши фајндс“.

Мрсната кожа може да ги затне порите и да предизвика појава на акни, а маргаринот, поради високата содржина на транс масни киселини, дополнително го забрзува процесот на стареење.

„Транс масните киселини ја прават кожата почувствителна на УВ зрачење, кое може да го оштети колагенот и еластинот“, предупредува Робин Њумарк, експерт за нега на кожа .

Слатки житарици

Житариците богати со шеќер имаат негативно влијание врз здравјето на кожата поради високиот гликемиски индекс и содржината на шеќер. Овој шеќер го промовира процесот на гликација, во кој молекулите на шеќер се врзуваат за протеините како што се колаген и еластин, создавајќи напредни финални производи за гликација, кои ја ослабуваат кожата.

„Прекумерното внесување на рафиниран шеќер ги оштетува колагенот и еластинот, намалувајќи ја еластичноста на кожата“, вели д-р Симран Сети.

Како подобра алтернатива на појадокот го препорачува овошјето кое ја задоволува потребата за слатки и дополнително ја хидрира кожата благодарение на високата содржина на вода.

Со исфрлање на овие намирници од исхраната, можеме значително да придонесеме за зачувување на младешкиот изглед на кожата и спречување на предвремено стареење.