Денеска се одржа третата трка од Македонскиот куп во далечинско пливање кој се одржа на Мавровското езеро.

Апсолутни победници Филип Деркоски од П.В.К. Орион кај мажите и Јана Костадиновска од ПК Нептун во женска конкуренција.

Градоначалникот на Општина Маврово – Ростуше, Директорот на Националниот парк Маврово, Министерството за одбрана и Ски Центарот „Заре Лазаревски” заедно со Националната пливачка федерација помогнаа во организацијата на оваа трка.

Воедно се одржа и промотивниот детски маратон, се пливаа 800 метри, првото место го освои Нина Карајованова, на втората позиција е Сара Анастасовска, а третопласирана Милица Силјановска.

Според календарот на Националната пливачка федерација до крајот на купот остануваат уште две трки, на 6 септември во Кавадарци (Тиквешко езеро) и на 12 септември во Велес (езеро Младост).