Слободен печат

Денеска не паркирајте под дрвја, ќе дува силен ветар!

За да не се случи да падне дрво или гранка врз возило поради силниот ветар во Скопје, граѓаните денеска треба да избегнуваат да ги паркираат своите автомобили под дрвја, што е навистина тешко особено во населбите каде нема други паркинг места освен на тротоарите, под дрвја. Апелот стигнува од ЈП „Паркови и зеленило“ кои предупредуваат дека се очекува ветар со брзина до 60 километри на час.

По добиена информација од УХМР дека под влијание на студена воздушна маса од север, која денес го зафати подрачјето на град Скопје со повремени врнежи од дожд, при што во текот на денот ќе започне да дува засилен ветер од североисточен правец, кој локално ќе достигне брзина до 60 км/час, ги молиме граѓаните да не ги паркираат своите возила под високи дрвја, со цел да се избегнат несакани последици – велат од претпријатието.

Оттаму апелираат до граѓаните доколку забележат паднато дрво веднаш да пријават пријават во ЦУК на телефонскиот број 195 или во претпријатието на телефонскиот број  070 326 215 .

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот