Денес е први март. Надвор е зима. Така де, како и секоја сезона на преодот февруари кон март, секако дека времето ќе се смени стопати, чадорот и капутот ќе ги прибереме, па ќе ги извадиме пак, и така додека конечно не дојде пролет. Но, ако нешто е вечно, освен нашите топло-ладни маки, тоа е песната „Први март“.

Во колективната меморија на нашата поп музика, овој датум не може да помине без истоимената песна на нашата пејачка Каролина Гочева.

Памтам дека кога излезе првпат, рефренот „Први март, со неа си, чуден бол во моите гради“ беше совршена симболика за промената, за времето што надоаѓа и којзнае што ќе донесе. Љубовни јадови, колку сакаш, тогаш. Ех, далечната 2006…

Оваа песна остана во традиција да се слуша и објавува токму на овој ден, како и неофицијално да биде „ден на песната на Каролина Гочева“.
Песната е објавена инаку во 2006 година, со видео запис во режија на „Томато продукција“ и е една од оние песни што едноставно, го победува времето.

Да се потсетиме и  запееме: