Веројатно сте слушнале за различни верувања според кои одредени постапки во одредено време можат да донесат среќа и просперитет.

Новата година е особено богата со вакви традиции, а меѓу нив се издвојуваат неколку интересни обичаи.

12 желби под перницата

Едно од популарните новогодишни верувања вели дека на 31 декември под перницата треба да ставите 12 парчиња хартија на кои се испишани вашите желби. Кога ќе се разбудите првото утро од новата година, извадете три парчиња хартија. Според ова верување, желбите кои ќе ги извлечете ќе бидат оние кои ќе ви се остварат во текот на годината.

Карти кои го откриваат тој што ви е судбина

Друго интересно верување се однесува на откривање на мажот за кој сте предодредени. На 31 декември, треба да ставите четири картички со ликовите на кралевите под перницата. На први јануари, штом ќе се разбудите, извелчете една карта, а таа ја симболизира личноста која би можела да биде вашата судбина.

Бучава што ги брка злите духови

Незаменлив дел од новогодишната прослава е гласната музика, петардите и огнометот. Според традицијата, вревата симболично ги брка лошите духови и несреќата од домот, обезбедувајќи среќа и заштита на домаќинството. И покрај предупредувањата за опасностите од употребата на пиротехнички средства, овој обичај сепак има силно симболично значење. Затоа, ако не запалите петарди, барем засилете ја музиката и прославете го доаѓањето на новата година.

Овие обичаи можеби изгледаат како дел од забавата, но многумина уживаат да ги практикуваат, бидејќи носат надеж и оптимизам за она што следува.