Еден од најомилените тенисери, Аргентинецот Хуан Мартин дел Потро, го најави крајот на кариерата која ја одбележаа повредите и освојувањето на една гренд слем титула.
Победникот на УС Опен во 2009 година, Дел Потро се подготвува за настап на првиот турнир по 2019 година и четири операции на коленото, во Буенос Аирес ќе игра против сонародникот Федерико Делбонис.

– Одлучив по пауза од две и пол години да се појавам на терените. Сега или никогаш. Вложив премногу напор и труд во последните три месеци за да можам да тренирам и не ми е грижа за болките во коленото – изјави Дел Потро.

Неговото обраќање повеќе личеше на простување од тенисот отколку враќање.
– Повредата на коленото му го претвори животот во ноќна мора. Долго време се лекував, се консултирав со лекарите и никогаш не помислив дека ќе се простам од тенисот надвор од терените. Нема подобар турнир за враќање од тој во Буенос Аирес. По наредните недели, ќе размислувам за идината, а сега имам избор да живеам како 33-годишен маж кој не сака да има болки или како професионален спортист. Пред мене е тешка одлука, колку и да го сакам тенисот, сакам да живеам бел болки. Затоа е не очекувам голем големи резултати по толку повреди и операции, а не е далечна ниту одлуката да ја завршам кариерата. Болките се дел од моето секојдневие, а не само од спортот. Сепак, и покрај тоа, едвај чекам во вторник да излезам на теренот – изјави Дел Потро кој не ја исклучува можноста да продолжи да се бори со повредите и да остане активен спортисти.

– Не исклучувам и продолжување на борбата со болките и повредите. Ќе се консултирам со лекарите и ќе барам опции како што направија Енди Мареј или Пабло Андухар кој се врати на терените по пет операции на лакотот.