Во дел од општината Ѓорче Петров, Стопански двор и дел од населено место Волково нема струја над 3 часа. Еден час струја нема ниту во скопските населби Водно и Црниче.

Се работи за дефект на 10-киловолтна далеководна линија што предизвикала проблеми во повеќе трафостаници во Скопје каде има испади на електричната енергија. Портпаролот на ЕВН Ленче Карпузовска за „Слободен печат“, вели дека екипите работат на отстранување на проблемот

„Се работи на остранување на дефектот, повеќе трафостаници се без електрична енергија, набрзо би требало дефектот целосно да се санира, но сепак не можеме точно да кажеме кога ќе биде вратен напонот, односно кога домаќинствата ќе добијат струја “, рече Ленче Карпузовска портпарол на ЕВН