Редовното перење облека е основа на здравствената култура и заштита не само од непријатни мириси, туку и од разни бактерии. Повеќето луѓе редовно перат кошули, панталони, долна облека, постелнина, но речиси секогаш забораваме на еден дел од секојдневната облека. Тоа се чевли што доаѓаат во директен контакт со нечистотија, алергени и други загадувачи.

421.000 единици бактерии

Д-р Ан Шарки, од Сидар Парк, Тексас, вели дека некои истражувања проценуваат дека на надворешната страна од чевлите има околу 421.000 единици бактерии, додека околу 3.000 можат да живеат внатре. Сепак, перењето чевли во машина за перење може да отстрани 90 до 99 проценти од овие бактерии.

Чевлите можат да содржат патогени како што се Ешерихија коли, салмонела, метицилин-резистентен, стрептокока ареус (MRSA) и многу дрѕги. Некои од овие патогени можат да предизвикаат респираторни инфекции, како и проблеми со кожата како што е целулитис. Ризикот е значително поголем ако случајно стапнете на измет, урина од луѓе, домашни миленици, глодари или фармски животни, вели д-р Карен Дус, професор по микробиологија и имунологија на Универзитетот Туро во Невада.

Слично е и со невнимателно стапнување на остатоци од храна или мастика за џвакање. Калта може да биде и носител на патогени од почвата, како што се бактериски и габични спори, јајца од црви и паразитски цисти.

Колку помага бришењето на чевлите на подлога за влез?

Бришењето на чевлите на подлога за влез не помага многу, бидејќи повеќето имаат ѓонови со жлебови кои собираат нечистотија и бактерии.

„Ќе мора да ги соблечеме чевлите и да ги триеме ѓоновите“, вели Дус. Некои микроорганизми можат да преживеат во надворешната средина од неколку часа до неколку недели, но бактериските и габичните спори, норовирусите, јајцата од црви и паразитските цисти можат да преживеат со месеци или дури години.

Чевлите треба да се перат по потреба, а за општо одржување, д-р Шарки препорачува темелно перење на секои два месеци. Спортските чевли што ги носиме секој ден можеби ќе треба да се перат на секои две недели.

Кога е потребна дополнителна претпазливост?

Исто така, се препорачува редовно бришење на површините направени од гума, пластика и синтетички материјали, постапката е различна за чувствителни материјали како што се кожа, велур.

– Ова не мора да биде секојдневна постапка. Сепак, ако имате мали деца кои лазат по подот, детските раце лесно можат да дојдат во контакт со ѓоновите. Препорачливо е да носите влечки внатре – вели д-р Дус.

Проверете ги етикетите

Чевлите направени од платно, најлон или полиестер може да се перат и во машина за перење со ладна вода и благи детергенти. Пред да го направите ова, треба да ги проверите етикетите на вашите чевли или веб-страницата на производителот за да бидете сигурни дека се перат во машина за перење. Сè повеќе брендови прават модели кои се погодни за перење во машина. На пример, препорачливо е патиките да се стават во посебна кеса и да се перат на температура од 30 степени. Не треба да користите премногу детергент, бидејќи некои материјали тешко се перат.

Препорачливо е чевлите да се сушат на воздух по перењето, а не во машина за сушење алишта. Чевлите со потпетици, кожните или велур чизмите може да се оштетат ако се перат во машина за перење. Во овој случај, се препорачува суво четкање, а потоа нанесување средство за чистење чевли со четка и кружни движења.

Врвките исто така треба да се мијат, со средство за отстранување дамки, паста од сода бикарбона и вода или обичен сапун.

Контролирање на непријатни мириси

Можно е вашите чевли да изгледаат уредно, но да немаат најпријатен мирис. Доколку овие чевли имаат влошки, препорачливо е да ги извадите и да ги оставите на сонце неколку часа, УВ зраците ги убиваат непријатните мириси.

Активниот јаглен е исто така корисен. Малите кесички јаглен апсорбираат и неутрализираат мириси. Можете да ги ставате во вашите чевли секој пат кога ќе ги соблечете.

Се препорачува да носиме чорапи ако носиме чевли или патики, бидејќи тие апсорбираат пот, ги одржуваат нашите стапала суви и го спречуваат развојот на бактерии и габи кои предизвикуваат непријатни мириси, пишува „Еклиника“.