Во дел од општините со претежно албанско население, граѓаните не гласаат на вториот круг од претседателските избори. Одзивот во некои општини со претежно албанско население досега е трипати помал отколку одзивот за парламентарните избори.

Во Липково до 13 часот, за претседател гласале 3,28 одсто од запишаните избирачи, а за пратеници 17,07 проценти.

Во Боговиње 5,17 отсто гласале на претседателските избори, а 15,24 на парламентарните избори.

Слична е состојбата во Желино каде 6,79 проценти од граѓаните гласале за претседател, а 15,18 за пратеничките листи.

Во Чаир 12,94 отсто гласале за претседател, а 20,76 за избор на пратеници.

Во скопската општина Центар речиси сите што гласале до 13 часот зеле две гласачки ливчиња и гласале на двојните избори. Поточно 32,44 отсто во Центар гласале на претседателските,  а 32,92 отсто за парламентарните избори.