Репрезентацијата на Србија се пласираше во полуфинале на Дејвис Купот, откако ја прегази Велика Британија со 2-0 во дуели. Втората победа за Србија ја обезбеди Ѓоковиќ кој го победи Камерон Нори со 2:0 во сетови (6:4, 6:4).

Беше одличен Ѓоковиќ во првиот сет и ја искористи втората брејк-шанса на противнички сервис за водство од 3-2. Србинот потоа изврши нов притисок врз Нори во седмиот гем, но Британецот успеа да се одбрани (3-4), по што најдобриот тенисер во светот продолжи со сигурниот сервис за да го освои сетот со 6-4.

Вториот сет Ѓоковиќ го почна со брејк уште во првиот гем (1-0), а потоа без проблеми сервираше и не му дозволи на Нори ниту да помисли на брејк-топка (6-4).

Претходно првиот меч Србија го доби  Кецмановиќ, кој со двапати по 7:6 го совлда Дрејпер.

Во полуфиналето Србија ќе игра против Италија која денес претходно ја елиминираше Холандија.