Давид Дејвис дојде до првата победа како тренер на Вардар откако неговите ракометари со 34:22 го совладаа Пролет. Дејвис на дебито на клупата на Вардар доживеа пораз од Нексе на стартот од СЕХА Лигата.

Гостите имаа сили за дваесетина минути да им парираат на „црвено-црните“ кои на крајот запишаа два бода. Првото полувреме во најголем дел помина во израмнета игра, ракометарите на Пролет последен пат имаа нерешено при 7:7, а потоа до финишот имаа негатива од гол. Така беше се до последните минути кога вардарци влегоа во серија и на одмор заминаа со три гола предност (15:12).

Второто полувреме започна со серија од 3:0 за Вардар по која единствена непознаница беше со колкава разлика ќе слави на крајот. „Црвено-црните“ на крајот славеа со 34:22 и останаа на лидерската позиција на табелата.

Најдобар кај Вардар беше Моралес со пет постигнати гола, пред Гаџа, Дибиров и Ѓукиќ со по четири реализации, а браќата Њокас, Георгиевски и Карапалевски дадоа по три гола. Кај Пролет, Аларов и Џонов постигнаа по пет гола.

Ракометарите на Охрид стигнаа до голема победа на домашен терен над Бутел од 26-25 во натпревар од 18. коло во Суперлигата на Македонија.

Ракметарите на Охрид 2013 славеа со минимални 26:25 во драматичниот натпревар против Бутел. Целиот натпревар помина во израмнета игра на двете екипи, а во последната минута со гол предност влезе домашниот тим. Последниот напад и шут за реми го имаше Тот, но неговиот удар заврши над голот.

Мице Шилегов со осум гола беше прво име во победничкиот табор, додека кај поразените Мирко Мајиќ заврши со седум. Со овој триумф охриѓани се израмнија на шестата позиција која е последна што води во плеј-офот со Тинекс Пролет со по 28 бода.